ਕੱਚ.......... ਗ਼ਜ਼ਲ / ਕੁਲਦੀਪ ਸਿਰਸਾ


ਅੱਖਾਂ ਬੰਦ ਕਰਕੇ ਕਰਦੇ ਨੇ ਬੰਦਗੀ
ਸਿਰਜੇ ਹੋਏ ਭਰਮ ਨੂੰ ਸੱਚ ਸਮਝਦੇ ਨੇ।

ਤਾਰਿਆਂ ਨੂੰ ਰਹਿੰਦੇ ਸਲਾਮਾਂ ਕਰਦੇ
ਧਰਤੀ ਦੀ ਕੁੱਖ ਨੂੰ ਕੱਖ ਸਮਝਦੇ ਨੇ।

ਚਮਕਦੇ ਕੱਚ ਲਈ ਲੜਦੇ-ਮਰਦੇ
ਗਿਆਨ ਦੇ ਹੀਰੇ ਨੂੰ ਕੱਚ ਸਮਝਦੇ ਨੇ।

ਤਰਾਸ਼ੇ ਪੱਥਰਾਂ ਦੀਆਂ ਕਰਦੇ ਮਿੰਨਤਾਂ
ਤਰਕ ਦੀ ਗੱਲ ਨੂੰ ਰੱਟ ਸਮਝਦੇ ਨੇ।

ਧਰਮ ਦੀ ਬੱਕ-ਬੱਕ ਨੂੰ ਅਰਥ ਦਿੰਦੇ
ਸਾਇੰਸ ਦੇ ਮੈਥ ਨੂੰ ਘੱਟ ਸਮਝਦੇ ਨੇ।

ਖੂਨ ਵੀ ਪੀਂਦੇ ਹੱਡੀਆਂ ਵੀ ਖਾਂਦੇ
ਕਿਰਤ ਦੀ ਲੁੱਟ ਤਾਂ ਹੱਕ ਸਮਝਦੇ ਨੇ।

****
Post a Comment