Shabad Sanjh: ਗੁਰਤੇਜ ਕੋਹਾਰਵਾਲਾ

ਸਾਹਿਤਕ ਇੰਟਰਨੈੱਟ ਮੈਗਜ਼ੀਨ "ਸ਼ਬਦ ਸਾਂਝ" 'ਤੇ ਆਪਜੀ ਦਾ ਨਿੱਘਾ ਸਵਾਗਤ ਹੈ । ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇਹ ਇੱਕ ਨਿਮਾਣਾ ਜਿਹਾ ਉੱਦਮ ਹੈ । "ਸ਼ਬਦ ਸਾਂਝ" ਦਾ ਕਿਸੇ ਵੀ ਰਾਜਨੀਤਿਕ, ਵਪਾਰਿਕ ਜਾਂ ਧਾਰਮਿਕ ਸੰਸਥਾ ਨਾਲ ਕੋਈ ਸਿੱਧਾ ਜਾਂ ਅਸਿੱਧਾ ਸੰਬੰਧ ਨਹੀਂ ਹੈ । ਆਪ ਜੀ ਦੇ ਹੁੰਗਾਰੇ ਦੀ ਭਰਪੂਰ ਆਸ ਰਹੇਗੀ ।

Showing posts with label ਗੁਰਤੇਜ ਕੋਹਾਰਵਾਲਾ. Show all posts

ਹਨ੍ਹੇਰਾ ਮਨ ਦਾ.......... ਗ਼ਜ਼ਲ / ਗੁਰਤੇਜ ਕੋਹਾਰਵਾਲਾ

ਹਨ੍ਹੇਰਾ ਮਨ ਦਾ ਤੇ ਅੱਖਾਂ ਦਾ ਘੱਟਾ ਧੋਣ ਲੱਗਾ ਹਾਂ
ਐ ਜਗਦੇ ਦੀਵਿਓ ! ਛੁਪ ਕੇ ਤੁਹਾਥੋਂ ਰੋਣ ਲੱਗਾ ਹਾਂ

ਅਚਾਨਕ ਹੋ ਗਏ ਨੰਗੇ ਮੇਰੇ ਅੰਦਰ ਕਈ ਖੱਪੇ
ਮੈਂ ਇਕ ਸੁਪਨੇ 'ਚ ਸਾਂ ਜੀਕਣ ਮੁਕੰਮਲ ਹੋਣ ਲੱਗਾ ਹਾਂ

ਹਮੇਸ਼ਾ ਹੀ ਕਈ ਵੈਰਾਗ 'ਕੱਠੇ ਦਿਲ ਉੱਠੇ ਨੇ
ਕਦੇ ਵੀ ਸਾਫ਼ ਨਾ ਹੋਇਆ ਮੈਂ ਕਿਸ ਨੂੰ ਰੋਣ ਲੱਗਾ ਹਾਂ

ਕੁਵੇਲ਼ੇ ਜਾਗਿਆ ਕੋਈ ਗਵਈਆ ਹਾਂ ਜਿਵੇਂ ਮੈਂ ਵੀ
ਸੁਬ੍ਹਾ ਦੇ ਰਾਗ ਨੂੰ ਤਿਰਕਾਲ਼ ਵੇਲੇ਼ ਛ੍ਹੋਣ ਲੱਗਾ ਹਾਂ

ਕਈ ਅੱਖਰ ਬਦਲ ਬੈਠਾ ਮੈਂ ਅਪਣਾ ਤਰਜੁਮਾ ਕਰਦਾ
ਮੈਂ ਕੀ ਕੀ ਹੋਣ ਵਾਲ਼ਾ ਸਾਂ ਤੇ ਕੀ ਕੀ ਹੋਣ ਲੱਗਾ ਹਾਂ

"ਸ਼ਬਦ ਸਾਂਝ" ਕਿਵੇਂ ਪੜ੍ਹੀਏ ?

"ਸ਼ਬਦ ਸਾਂਝ" ਦੀਆਂ ਲਿਖਤਾਂ ਪੜ੍ਹਨ ਦੇ ਕਈ ਤਰੀਕੇ ਹਨ । ਇਸਨੂੰ ਡਿਜ਼ਾਇਨ ਕਰਨ ਲੱਗਿਆਂ ਪਾਠਕਾਂ ਦੀ ਤਕਰੀਬਨ ਸਾਰੀ ਦਿਲਚਸਪੀ ਨੂੰ ਧਿਆਨ 'ਚ ਰੱਖਿਆ ਗਿਆ ਹੈ । ਜੇਕਰ ਤੁਸੀਂ ਵਿਧਾ ਦੇ ਤਰੀਕੇ ਨਾਲ਼ ਪੜ੍ਹਨਾ ਚਾਹੁੰਦੇ ਹੋ ਤਾਂ ਉਪਰ ਦਿੱਤੀਆਂ ਟੈਬਾਂ 'ਚੋਂ ਲੇਖ, ਕਾਵਿ, ਕਹਾਣੀ, ਵਿਅੰਗ ਆਦਿ ਚੁਣ ਸਕਦੇ ਹੋ । ਜੇਕਰ ਕਿਸੇ ਖਾਸ ਲੇਖਕ/ਸ਼ਾਇਰ ਦੀਆਂ ਰਚਨਾਵਾਂ ਪੜਨੀਆਂ ਚਾਹੁੰਦੇ ਹੋ ਤਾਂ ਖੱਬੇ ਹੱਥ "ਵੰਨਗੀ" 'ਚੋਂ ਕਿਸੇ ਵੀ ਲੇਖਕ/ਸ਼ਾਇਰ ਦੇ ਨਾਮ ਉਪਰ ਕਲਿੱਕ ਕਰਕੇ ਉਸਦੀਆਂ ਰਚਨਾਵਾਂ ਪੜ੍ਹ ਸਕਦੇ ਹੋ । ਕਿਸੇ ਖਾਸ ਮਹੀਨੇ 'ਚ ਛਪੀਆਂ ਰਚਨਾਵਾਂ ਲਈ ਖੱਬੇ ਹੱਥ ਹੀ "ਲਾਇਬਰੇਰੀ" 'ਚੋਂ ਸਲੈਕਟ ਕਰ ਸਕਦੇ ਹੋ । ਜੇਕਰ ਕੋਈ ਨਾਵਲ ਜਾਂ ਹੋਰ ਕੋਈ ਕਿਤਾਬ ਪੜ੍ਹਨੀ ਚਾਹੁੰਦੇ ਹੋ ਤਾਂ ਖੱਬੇ ਹੱਥ ਬਣੇ ਬਟਨਾਂ 'ਤੇ ਕਲਿੱਕ ਕਰਕੇ ਕਿਤਾਬ ਖੋਲ ਸਕਦੇ ਹੋ । ਪਿਛਲੀਆਂ ਰਚਨਾਵਾਂ ਪੜ੍ਹਨ ਲਈ ਇਸ ਪੰਨੇ ਦੇ ਬਿਲਕੁੱਲ ਥੱਲੇ Older Posts 'ਤੇ ਕਲਿੱਕ ਕਰਕੇ ਪੜ੍ਹ ਸਕਦੇ ਹੋ ।