ਸੋਹਲ ਸੱਚਾਈ.......... ਨਜ਼ਮ/ਕਵਿਤਾ / ਦਵਿੰਦਰ ਕੌਰ ਸਿੱਧੂ (ਪ੍ਰੋ.), ਦਾਉਧਰ (ਮੋਗਾ)

ਇਹ ਜੋ ਮਹਿਕ ਪੁਰੇ 'ਚੋਂ ਉੱਡਦੀ ਆਈ ਹੈ
ਮੇਰੇ ਅੰਤਰ ਮਨ ਦੀ ਸੋਹਲ ਸੱਚਾਈ ਹੈ

ਤੇਰੀ ਝੋਲ਼ੀ ਸੂਰਜ ਆਣ ਵਿਰਾਜੇਗਾ
ਅੱਜ ਸੁਬ੍ਹਾ ਦੀ ਲਾਲੀ ਖ਼ਬਰ ਲਿਆਈ ਹੈ

ਉਡੀਕਾਂ ਸੂਰਜ ਅੱਖੀਂ ਚਾਨਣ ਭਰਨ ਲਈ
ਰੂਹ ਮੇਰੀ ਨੇ ਲਈ ਹੁਣ ਅੰਗੜਾਈ ਹੈ

ਸਾਜਾਂ ਸੰਗ ਨੇ ਪੌਣਾਂ ਘੋੜੀਆਂ ਗਾ ਰਹੀਆਂ
ਦਿਲ ਦੇ ਬਰੂਹੀਂ ਵੱਜੀ ਅੱਜ ਸ਼ਹਿਨਾਈ ਹੈ

ਮਨ ਦੀ ਟਹਿਣੀ ਖਿੜਿਆ ਫੁੱਲ ਗੁਲਾਬ ਦਿਸੇ
ਰੂਹ ਮੇਰੀ ਜੀਹਨੇ ਅੰਬਰਾਂ ਤੱਕ ਮਹਿਕਾਈ ਹੈ

ਬੁੱਲ੍ਹਾਂ ਉੱਤੇ ਆਪ-ਮੁਹਾਰੇ ਸੱਤ ਸੁਰਾਂ ਨੇ ਗਾ ਰਹੀਆਂ
ਸੱਤ-ਸੁਰਾਂ ਨੂੰ ਸ਼ਬਦ ਪੁਆ 'ਸਿੱਧੂ' ਕਵਿਤਾ ਲਿਆਈ ਹੈ
****
Post a Comment