ਠੇਕੇ ਤੇ ਭਰਤੀ…......ਸਾਧੂ ਰਾਮ ਲੰਗੇਆਣਾ (ਡਾ।) / ਵਿਅੰਗ

ਸਾਡੇ ਪਿੰਡ ਦੇ ਬਾਬੇ ਗਾਂਧੀ ਕੇ ਗਵਾੜ ਚੋਂ ਇੱਕ ਚੰਗਾ ਪੜਿਆ-ਲਿਖਿਆ ਜੱਟਾਂ ਦਾ ਮੁੰਡਾ ਸਰਬਜੀਤ ਸਕੂਲ ਵਿੱਚ ਠੇਕੇ ਤੇ ਟੀਚਰ ਭਰਤੀ ਹੋ ਗਿਆ ਸੀ ਕੁਝ ਦਿਨਾਂ ਬਾਅਦ ਉਹ ਮੋਟਰ ਸਾਈਕਲ ਤੇ ਆਪਣੇ ਘਰੋਂ ਨਿਕਲਣ ਹੀ ਲੱਗਾ ਸੀ ਕਿ ਪਿੰਡ ਦੇ ਦੂਸਰੇ ਪਾਸਿਓਂ ਵਾਲਾ ਤਾਇਆ ਨਰੈਂਣਾ ਅਚਾਨਕ ਉਨ੍ਹਾਂ ਦੇ ਬਾਰ ਮੂਹਰ ਦੀ ਲੰਘਦਿਆਂ ਉਸ ਨੂੰ ਸਾਹਮਣੇ ਟੱਕਰ ਪਿਆ ਤਾਂ ਉਸਨੇ ਤਾਏ ਦਾ ਮਾਣ ਕਰਦਿਆਂ ਨਿੰਮੋਝੂਣਾ ਜਿਹਾ ਹੋ ਸਤਿਕਾਰ ਨਾਲ ਕਿਹਾ ਕਿ… ਤਾਇਆ ਜੀ ਸਤਿ ਸ੍ਰੀ ਅਕਾਲ

ਅੱਗੋਂ ਤਾਇਆ:- ਸਤਿ ਸ੍ਰੀ ਅਕਾਲ, ਪੁੱਤ…ਸਤਿ ਸ੍ਰੀ ਅਕਾਲ… ਕੀ ਕਰਦੈਂ ਹੁੰਨੈ ਪੁੱਤ ਹੁਣ ਕਿਤਮੀਂ ਜਮਾਤ ਤੱਕ ਪੁੱਜ ਗਈ ਐ ਪੜਾਈ ਤੇਰੀ…
ਮਾਸਟਰ:- ਤਾਇਆ ਜੀ ਬੱਸ ਹੁਣੇ-ਹੁਣੇ ਸਰਕਾਰ ਨੇ ਠੇਕੇ ਤੇ ਭਰਤੀ ਖੋਲੀ ਸੀ ਮੇਰਾ ਨੰਬਰ ਆ ਗਿਆ ਤੇ ਹੁਣ ਮੇ ਠੇਕੇ ਤੇ ਮਾਸਟਰ ਲੱਗ ਗਿਆ ਹਾਂ
ਤਾਇਆ:- ਪੁੱਤਰਾ ਕਿਹੜੇ ਤੇ ਹੁੰਨੈਂ ਤੇ ਕਿੰਨੀ ਕੁ ਤਨਖਾਹ ਐ…
ਮਾਸਟਰ:- ਤਾਇਆ ਜੀ ਭੇਖੇ ਵਾਲੇ ਪਿੰਡ ਦੇ ਐਲੀਮੈਂਟਰੀ ਚ… ਤੇ ਪੰਜ ਹਜ਼ਾਰ ਤਨਖਾਹ
ਤਾਇਆ:- ਬਹੁਤ ਚੰਗਾ ਹੋ ਗਿਆ…, ਪੁੱਤ ਬਹੁਤ ਚੰਗਾ ਹੋ ਗਿਆ ਐ… ਅੱਗੇ ਤਾਂ ਸਹੁਰੇ ਦੇ ਭਈਏ ਜਿਹੇ ਕਿਸੇ ਨੂੰ ਗੱਲ ਨਹੀਂ ਸੀ ਕਰਨ ਦਿੰਦੇ ਤੇ ਹੁਣ ਸੁੱਖ ਨਾਲ ਆਪਣੇ ਜੱਟਾਂ ਦੇ ਮੁੰਡਿਆਂ ਨੂੰ ਹੀ ਸਰਕਾਰ ਨੇ ਮਾਲਕ ਬਣਾ ਤਾ, ਚੰਗੀ ਗੱਲ ਐ… ਊਂ ਪੁੱਤ ਕਿੰਨੇ ਕੁ ਵਜੇ ਵਾਪਸ ਆ ਜਾਨਾਂ ਹੁੰਨੈਂ ਪਿੰਡ ਨੂੰ… ਤਾਏ ਨੇ ਆਪਣੇ ਖੀਸੇ ਵਿੱਚ ਹੱਥ ਜਿਹਾ ਪਾਉਂਦਿਆਂ ਕਿਹਾ ਤੇ ਨਾਲੋ ਨਾਲ ਹੀ ਬਟੂਆ ਕੱਢ ਲਿਆ (ਅੱਗੋਂ ਬਟੂਆ ਦੇਖ ਕੇ ਮਾਸਟਰ ਨੇ ਸੋਚਿਆ ਕਿ ਬਈ ਤਾਇਆ ਜੀ ਉਸਨੂੰ ਖੁਸ਼ੀ ਚ ਜ਼ਰੂਰ ਸ਼ਗਨ ਵਗੈਰਾ ਦੇਵੇਗਾ)
ਮਾਸਟਰ:- ਤਾਇਆ ਜੀ ਬੱਸ ਸਹੀ 3।10 ਤੇ ਛੁੱਟੀ ਹੋ ਜਾਂਦੀ ਐ ਤੇ ਠੀਕ ਸਾਢੇ ਕੁ ਤਿੰਨ ਵਜੇ ਨੂੰ 15-20 ਮਿੰਟ ਚ ਪਿੰਡ ਪਹੁੰਚ ਜਾਈਦੈ…
ਤਾਇਆ:- ਫੇਰ ਤਾਂ ਪੁੱਤਰ ਤੂੰ ਜਮਾਂ ਈ ਟਾਈਮ ਨਾਲ ਘਰੇ ਮੁੜ ਆਊਨੈਂ, ਚੰਗਾ… ਚੱਲ ਆਹ ਫੜ, ਦੋ ਸੌ-ਸੌ ਦੇ ਨੋਟ, ਇੱਕ ਮੋਟਾ ਸੰਤਰਾ ਦੀ ਬੋਤਲ, ਇੱਕ ਵਧੀਆ ਜਿਹੀ ਠੰਡੀ ਬੀਅਰ ਆਉਣ ਲੱਗਾ ਲਈ ਆਵੀਂ… ਅਗਾਂਹ ਨੂੰ ਵੀ ਤੇਰੇ ਕੋਲੋ ‘ਕੱਠੀ ਪੇਟੀ ਹੀ ਮੰਗਵਾ ਲਿਆ ਕਰਾਂਗਾ, ਪਿੰਡ ਵਾਲੇ ਤਾਂ ਸਹੁਰੇ ਨਿਰਾ ਪਾਣੀ ਪਾ-ਪਾ ਦਿੰਦੇ ਐ, ਪਾਣੀ…
ਮਾਸਟਰ:- ਨਹੀਂ ਤਾਇਆ ਜੀ, ਮੈਂ ਉਸ ਠੇਕੇ ਦੀ ਗੱਲ ਨਹੀਂ ਕੀਤੀ, ਮੈਂ ਤਾਂ ਸਕੂਲ ਚ ਠੇਕੇ ਤੇ ਟੀਚਰ ਫੈਲੋਂ ਭਰਤੀ ਹੋਇਐਂ ਅਨਪੜ ਤਾਏ ਦੀਆਂ ਗੱਲਾਂ ਮੂਹਰੇ ਲਾਜਵਾਬ ਹੋਇਆ ਬੀ।ਏ।ਬੀ।ਐਡ। ਅਧਿਆਪਕ ਡਿਊਟੀ ਤੋਂ ਲੇਟ ਹੁੰਦਾ ਹੋਇਆ ਉਪਰੋਂ ਖਿੜ-ਖਿੜ ਅਤੇ ਅੰਦਰਲੇ ਮਨੋਂ ਦੰਦ ਕਿਰਚਦਾ ਹੋਇਆ ਚਾਲੇ ਪਾ ਗਿਆ
ਤਾਇਆ:- ਵਾਰੇ-ਵਾਰੇ ਜਾਣੀਏ ਵਈ ਇਨ੍ਹਾਂ ਸਰਕਾਰਾਂ ਦੇ… ਇੱਕ ਪਾਸੇ ਨਸ਼ੇ ਛੁਡਾਉਣ ਲਈ ਡੌਂਡੀ (ਢਡੋਰਾ) ਪਿੱਟੀ ਜਾਂਦੇ ਐ ਦੂਸਰੇ ਪਾਸੇ ਸਕੂਲਾਂ ਚ ਠੇਕੇ ਖੋਲ ਰੱਖੇ ਨੇ… ਮੈਂ ਵੀ ਆਖਦੈਂ ਆਪਣੇ ਪਿੰਡ ਵਾਲੇ ਸਰਪੰਚ ਨੂੰ ਕਿ ਆਪਣੇ ਪਿੰਡ ਦੇ ਸਕੂਲ ਚ ਤੂੰ ਠੇਕਾ ਕਦੋਂ ਖਿਲਵਾਉਣਾ ਐ ਬੁੜ-ਬੁੜ ਕਰਦਾ ਤਾਇਆ ਵੀ ਆਪਣੇ ਪੈਂਡੇ ਵੱਲ ਨੂੰ ਕਾਹਲੀ-ਕਾਹਲੀ ਵਹੀਰਾਂ ਘੱਤ ਗਿਆ 

****

3 comments:

00 said...

NICE ONE

sourabh said...

ki eh asal wich wiang hai?eh tan sabdan da her fer lag reha hai//kyon ki master ne tan pehlan hi das dita c ki oh master lag gaya hai..eh tan ik anpad v samj janda//

KANWALJIT SINGH CHANIAN said...
This comment has been removed by the author.