ਸਿਆਸਤ.......... ਮਿੰਨੀ ਕਹਾਣੀ / ਧਰਮਿੰਦਰ ਭੰਗੂ

ਪੰਜਾਬ ਦੀ ਮੌਜੂਦਾ ਸਿਆਸਤ ਬਾਰੇ ਮੇਰੀ ਇੱਕ ਦੋਸਤ ਨਾਲ ਬਹਿਸ ਛਿੜ ਪਈ। ਮੈਂ ਇੱਕ ਰਾਜਨੀਤਕ ਪਾਰਟੀ ਦੀਆਂ ਨੀਤੀਆਂ ਦੀ ਹਮਾਇਤ ਕਰ ਰਿਹਾ ਸਾਂ ਤੇ ਮੇਰਾ ਦੋਸਤ ਉਸਨੂੰ ਫਿਰਕੂ ਗਰਦਾਨ ਕੇ ਦੂਜੀ ਪਾਰਟੀ ਨੂੰ ਵਧੀਆ ਆਖ ਰਿਹਾ ਸੀ।
ਹਾਸੇ-ਹਾਸੇ ਵਿੱਚ ਛਿੜੀ ਇਹ ਬਹਿਸ ਗੰਭੀਰ ਹੁੰਦੀ ਹੋਈ ਮੱਥੇ ਦੀਆਂ ਤਿਊੜੀਆਂ ਤੇ ਖਰ੍ਹਵੇਂ ਬੋਲਾਂ ਤੱਕ ਜਾ ਪਹੁੰਚੀ।....... ਉਸ ਦਿਨ ਤੋਂ ਲੈ ਕੇ ਅੱਜ ਤੱਕ ਅਸੀਂ ਇੱਕ ਦੂਜੇ ਨਾਲ ਚੱਜ ਨਾਲ ਬੋਲੇ ਤੱਕ ਨਹੀਂ।


ਮੀਡੀਆ.......... ਮਿੰਨੀ ਕਹਾਣੀ / ਧਰਮਿੰਦਰ ਭੰਗੂ

'ਹਾਦਸੇ 'ਚ ਜ਼ਖਮੀ ਪੁਲਿਸ ਅਫ਼ਸਰ ਕਿਸੇ ਮੱਦਦ ਦੀ ਅਣਹੋਂਦ ਵਿੱਚ ਸੜਕ ਕਿਨਾਰੇ ਪਿਆ ਪੱਥਰ ਦਿਲ ਲੋਕਾਂ ਨੂੰ ਪੁਕਾਰਦਾ ਦਮ ਤੋੜ ਗਿਆ।' ਇਹ ਖ਼ਬਰ ਵਾਰ-ਵਾਰ ਟੀ.ਵੀ. ਚੈਨਲਾਂ ਤੋਂ ਨਸ਼ਰ ਹੋ ਰਹੀ ਸੀ। ਪਰ ਮੀਡੀਆ ਵਾਲੇ ਵੀ ਉਸਦੀ ਮੱਦਦ ਕਰਨ ਦੀ ਥਾਂ ਮਰ ਰਹੇ ਪੁਲਿਸ ਵਾਲੇ ਦੀ ਫਿਲਮ ਬਣਾਉਂਦੇ ਉਸਦੀ 'ਬ੍ਰੇਕਿੰਗ ਨਿਊਜ਼' ਬਣਾਉਣ ਵਿੱਚ ਮਸਰੂਫ਼ ਰਹੇ।


Post a Comment